सिरहामा टिपरको ठक्करबाट एकै परिवारका तीनजनाको मृत्यु भएको छ।
लहान नगरपालिका वडा नं. ३ स्थित लहान–ठाडी सडकखण्डमा सिरहाको लोकहा ठाडिबाट घरतर्फ जाँदै गरेको प्रदेश २–०१–००२ प २६८२ नम्बरको मोटरसाइकललाई स १ क २६१ नम्बरको टिपरले ठक्कर दिएको हो।
दुर्घटनामा सप्तरीको बलान विहुल गाउँपालिका वडा नं. २ दिघियाका ६० वर्षीय मोतीलाल यादव, उनका भतिजा ३० वर्षीय रामकुमार यादव र ८ वर्षीय नाती अभिषेक यादवको मृत्यु भएको हो।
ईलाका प्रहरी कार्यालय लहानका प्रहरी नायव उपरीक्षक तपन दाहालका अनुसार दुर्घटनामा एक बालक घाइते भएका छन्।
ठक्कर दिने टिपर र चालकलाई नियन्त्रणमा राखेर घटना विषयमा थप अनुसन्धान गरिरहेको उनले बताए।
66
Shares
प्रतिक्रिया