पछिल्लो केही दिनयता देशभर डेंगु संक्रमण बढ्दै गएको छ। संघीय राजधानी काठमाडौंमा समेत डेंगु प्रकोपकै रुपतिर अघि बढेको छ।
बागमती प्रदेशमा मात्रै बुधबार एकै दिन डेंगुका ८ सय ७८ बिरामी थपिएका छन्।
बागमती प्रदेश स्वास्थ्य निर्देशनालयका वरिष्ठ जनस्वास्थ्य प्रशासक डा. नरेन्द्रकुमार झाका अनुसार मंगलबारसम्म संक्रमितको संख्या ७ हजार ५३२ पुगेको बताए।
सोमबार संक्रमितको संख्या ६ हजार ६५४ थियो। तर मंगलबार यो संख्या बढेर ७ हजार ५३२ पुगेको छ।
झाका अनुसार यो प्रदेशमा सबैभन्दा धेरै संक्रमित ललितपुरमा भेटिएका छन्। ललितपुरमा मंगलबारसम्म संक्रमितको संख्या ३७९३ पुगेको छ।
काठमाडौंमा डेंगु संक्रमितको संख्या १७९७ छ। उता बागमतीको राजधानी मकवानपुरमा १२०७ संक्रमित पुगेका छन्।
झाका अनुसार यो संक्रमण धेरैजसो बालबालिका र वृद्धवृद्धामा देखिएको छ। संक्रमित बढ्दै गएपछि काठमाडौं र ललितपुरका अस्पताहरुमा बिरामीको चाप बढेको छ।
Shares
प्रतिक्रिया