युनिकोड
पोखरामा आइतबार भएको यती एयरलाइन्सको विमान दुर्घटनाका मृतकहरूको शव पोस्टमार्टमको तयारी हुँदै छ। गण्डकी स्वास्थ्य विज्ञान प्रतिष्ठानको शवगृहमा राखिएकामध्ये पहिचान भएका र आफन्तहरू उपस्थित भएको शव पोखराबाटै बुझाउने तयारी छ।
गण्डकी स्वास्थ्य बिज्ञान प्रतिष्ठानका चिकित्सक भरत खत्रीका अनुसार पोस्टमार्टमका लागि काठमाडौंको महाराजगन्जस्थित त्रिभुवन शिक्षण अस्पतालबाट २ जना चिकित्सकहरु पोखरा जाँदैछन्।
‘पास्टमार्टमको राष्ट्रिय टिम गठन भएको छ। ५ जना पोखराकै विज्ञहरु हुनुहुन्छ। २ जना काठमाडौंबाट बोलाएका छौं,’ खत्रीले भने, ‘ंउहाँहरु आउनेबित्तिकै हामी प्रक्रिया सुरु गर्छौं।’
पहिचान भएको शव भने पोखरामा नै पोस्टमार्टम हुने पनि उनले बताए।
विदेशी, चालक दलका सदस्य र पहिचान नभएकाहरुको शव काठमाडौै पठाइने उनले बताए। ‘पहिचान नभएका, चालक दलका सदस्य र विदेशीहरुको शव भने टिचिङ अस्पतालमा लाने प्रक्रियामा छौं। काठमाडौंबाट बाँकी शव ह्यान्डओभर गर्ने छौं।’ उनले भने।
प्रतिक्रिया