भोलिदेखि सर्वोच्चको निर्माणाधीन भवनमा समेत इजलास सञ्चालन हुने

सर्वोच्च अदालतले भोलि (मंसिर २२) देखि निर्माणाधीन भवनबाट समेत इजलास सञ्चालन गर्ने भएको छ। 

आइतबार सूचना प्रकाशित गरी सर्वोच्चले सोमबारदेखि सुनुवाई साविक बमोजिम सर्वोच्च अदालतको एनेक्स भवन र निर्माणाधीन नयाँ भवनबाट समेत हुने गरी निर्धारण गरिएको जनाएको छ। 

‘यसरी मुद्दाको दैनिक सुनुवाई गर्दा पूर्ण एक, संवैधानिक इजलास, इजलास नं. ६, ७, ८, ९ र १० सर्वोच्च अदालतको निर्माणाधीन नयाँ भवनमा र इजलास नं. १ देखि ५ एनेक्स भवनमा सञ्चालन हुने गरी व्यवस्थापन गरिएको’ शाखा अधिकृत देवराज भट्टराईले जनाएका छन्।