आज र भोलि काठमाडौंका यी स्थानमा विद्युत् बन्द हुन्छः प्राधिकरण

आज (आइतबार) र भोलि (सोमबार) काठमाडौंका केही स्थानमा विद्युत् बन्द हुने भएको छ।

नेपाल विद्युत् प्राधिकरणका अनुसार कलंकीदेखि ढुंगेधारासम्म र सीतापाइलादेखि रामकोटसम्म सडक निर्माण गर्नुपर्ने भएकाले स्युचाटार-स्वयम्भू फिडरबाट वितरित विद्युत् लाइन काटिने भएको हो।

प्राधिकरणका सूचना अधिकारी लीला अर्यालका अनुसार बूढानीलकण्ठ मन्दिर, टेम्पो पार्क, सिभिल होम्स, टौखेल, अलकत्रा कारखाना, थापाचोक, रामकोट, आदेश्वर, छत्रेदेउरालीलगायत स्थानमा आइतबार र सोमबार विद्युत् बन्द गरिने भएको हो।

विद्युतकाे लाइन बन्द गरेरै काम गर्नुपर्ने भएकाले यस्ताे हुने भएकाे हाे।  काम सकिएलगत्तै विद्युत् सेवा पुनः सञ्चालन गरिने प्राधिकरणले जनाएको छ।