युनिकोड
आज (आइतबार) काठमाडौँ उपत्यकामा मध्यमसम्म वर्षा हुने अनुमान मौसमविद्ले गरेका छन्।
मौसम पूर्वानुमान महाशाखाका मौसमविद् डेभिड ढकालका अनुसार यतिबेला काठमाडौँ उपत्यकाको लगभग आकाशभरि बादल छ।
‘तर यो बादल बिस्तारै कम हुँदै जाने र घाम देखिने सम्भावना छ’, उनले आज बिहान ६:२० बजे नेपालखबरसँग भने, ‘फेरि दिउँसोपछि मौसम बदली भएर मध्यमसम्म वर्षा हुने सम्भावना छ।’
यद्यपि काठमाडौँ उपत्यकामा आज पानी पर्ने सम्भावना ४० प्रतिशत मात्र देखिएको मौसमविद् ढकालले बताए।
देशभरको मौसम र वर्षा सम्भावनाबारे भने मौसम महाशाखाले अहिले बिहान ८ बजे विस्तृत बुलेटिन जारी गर्नेछ।
प्रतिक्रिया