युनिकोड
सशस्त्र प्रहरी महानिरीक्षक शैलेन्द्र खनालले उच्च मनोबलका साथ काम गर्न मतहतका निकायलाई निर्देशन दिएका छन्।
गण्डकी प्रदेशका विभिन्न ईकाइहरुको निरीक्षण गर्दै कोरोना संक्रमित सशस्त्र प्रहरी कर्मचारीहरुसँगको भेटघाटका क्रममा यस्तो निर्देशन दिएका हुन्।
कोरोना संक्रमित कर्मचारीलाई नआत्तिन भन्दै आफ्ना कर्मचारीको स्वास्थ्य उपचारका लागि संगठनले सक्दो सहयोग गर्ने बताए।
महानिरीक्षक खनालले नम्बर ४ मुक्तिनाथ बाहिनी पोखरा, नम्बर २३ मनकामना गण तनहुँ, नम्बर २४ कालिका गण पोखरा, हुल तथा दंगा व्यवस्थापन तालिम शिक्षालय पोखरा र गोरखा गुल्मको निरीक्षण गरेको महानिरीक्षकको सचिवालयले जनाएको छ।
निरीक्षणका क्रममा उच्च अनुशासन र इमान्दारिताका साथ राज्यले दिएको जिम्मेवारि पुरा गर्न निर्देशन दिएका छन्। संगठनको आदेश र निर्देशनको पूर्ण पालना गर्न तथा एक व्यक्तिको गल्तीले सिंगो संगठनको बद्नाम हुने भएकाले त्यस्ता कार्य नगर्न निर्देशन दिए।
सशस्त्र प्रहरी कर्मचारीका सन्ततिको गुणस्तरीय शिक्षाको लागि क्षेत्रीय स्तरमा विद्यालयहरुको स्थापना र कर्मचारीको स्वास्थ्य उपचारका लागि क्षेत्रीय अस्पतालको समेत स्थापना गर्दै लगिएको बताए।
प्रतिक्रिया