युनिकोड
चितवन अदालतले श्रीमती हत्याको आरोपमा एक पुरुषलाई १० वर्ष कैद सजाय फैसला गरेको छ।
न्यायाधीश अवनी मैनाली भट्टराईको इजलाशले हत्या आरोप लागेका पूर्णप्रसाद ढकाललाई १० वर्ष कैद फैसला गरेको हो।
फैसलामा एक लाख जरिवाना र ८०० पीडित राहत कोषमा जम्मा हुने गरी सजाय तोकिएको छ। रत्ननगर नगरपालिका–१५, माधवपुरमा गत जेठ ६ गते ५४ वर्षीय श्रीमान् पूर्णप्रसाद ढकालले खुकुरी प्रहार गर्दा ४३ वर्षीया श्रीमती सुशीला ढकाल गम्भीर घाइते भएकी थिइन्।
सुशीलाको पुरानो मेडिकल कलेज भरतपुरमा उपचारको क्रममा जेठ १५ गते मृत्यु भएको थियो। घरायसी विवादको क्रममा पूर्णप्रसादले श्रीमतीलाई खुकुरी प्रहार गरेको प्रहरीले जनाएको छ।
प्रतिक्रिया