संक्रमित भन्दा निको हुनेको संख्या धेरै

गएको २४ घण्टामा नेपालमा ६ हजार ७१४ जनामा कोरोना भाइरसको संक्रमण पुष्टि भएको छ।

१९ हजार ३० जनाको पीसीआर गर्दा ६ हजार ६७७ र ३२२ जनाको एन्टिजेन परीक्षण गर्दा ३७ जनमा संक्रमण पुष्टि भएको स्वास्थ्य मन्त्रालयले जनाएको छ।

आज थप १४५ जनाले ज्यान गुमाएका छन्।

यो अवधिमा थप ६ हजार ७१६ जना संक्रमणमुक्त भएका मन्त्रालयले जनाएको छ। दोस्रो लहर सुरु भएयता नयाँ संक्रमितभन्दा निको हुनेको संख्या आज पहिलोपटक बढेको हो।

पछिल्लो २४ घण्टामा काठमाडौं उपत्यकामा १ हजार ४९३ जनामा संक्रमण पुष्टि भएकोमन्त्रालयले जानकारी दिएको छ। यसमध्ये काठमाडौँमा १ हजार १३९, ललितपुर २४१ र भक्तपुरमा ११३ जना संक्रमित थपिएका हुन्।

मंगलबार थप ८ हजार ६३६ जनामा कोरोनाभाइरस संक्रमण पुष्टि भएको थियो भने १६९ जनाको मृत्यु भएको थियो।