ad ad

खेल


सागकी स्वर्ण विजेता सन्जु मृत भेटिइन्

सागकी स्वर्ण विजेता सन्जु मृत भेटिइन्

नेपालखबर
बैशाख २७ , काठमाडौँ

नेपालमै भएको १३ औं दक्षिण एसियाली खेलकुद (साग) खेलकुद प्रतियोगिताकी स्वर्ण पदक विजेता भारोत्तोलन खेलाडी सन्जु चौधरी ललितपुरमा मृत अवस्थामा भेटिएकी छिन् ।

नेपाल भारोत्तोलन संघका अध्यक्ष राम श्रेष्ठका अनुसार ललितपुरको लुभुस्थित भारोत्तोलन प्रशिक्षक संजय महर्जनको घरमा सन्जु झुन्डिएको अवस्थामा  भेटिएकी हुन्।

'हिजो लुभुमा भोज थियो। सबै भरोत्तोलनको टोली सञ्जयको घरमा भोज खाएर राति फर्किएका थियौं। सन्जु राति हाँसीखुसी बसेकी थिइन्। बिहान झुन्डिएको अवस्थामा भेटिइन् भनेपछि हामी पनि अहिले यहीँ छौं,' अध्यक्ष श्रेष्ठले नेपालखबरसँग भने।

ललितपुर प्रहरी परिसरका अनुसार प्रारम्भिक अनुसन्धानमा सन्जुले आत्महत्या गरेको हुन सक्ने आधार देखिएको छ। 

उनी सोमबार प्रशिक्षक महर्जनको घरमा भोज खाएर त्यहीँ बसेकी थिइन्। तर,  उनी मंगलबार बिहान झुन्डिएको अवस्थामा भेटिएकी हुन्। 

नेपालगन्जकी उनी १९ औं एसियाली खेलकुदका लागि बन्द प्रशिक्षणका क्रममा काठमाडौंमा थिइन्। 

नेपालमा भएको सागमा सन्जुले महिला ५९ केजी तौल समूहतर्फ श्रीलंकन खेलाडीलाई हराउँदै स्वर्ण पदक जित्न सफल भएकी थिइन्। उनले सोमबार आफ्नो फेसबुक पेजमा एउटा भिडिओ सेयर गरेकी थिइन्। जसमा भनेकी थिइन्, 'मिसिङ यु लभ'।

नेपालगन्जकी २२ वर्षे सन्जु सुरुमा क्रिकेट र एथलेटिक्ससँग आवद्ध थिइन्। उनले एथलेटिक्समा राष्ट्रपति रनिङ शिल्ड र क्रिकेटको राष्ट्रिय महिला टोलीको बन्द प्रशिक्षणसम्म स्थान बनाएकी थिइन्। 

सातौं राष्ट्रिय खेलकुद (२०७३)देखि उनले भरोत्तोलन खेल्न थालेकी हुन्। त्यहीबेला देखि प्रशिक्षक महर्जनले सन्जुलाई काठमाडौं बोलाएर प्रशिक्षण दिइरहेका थिए। 

दक्षिण एसियाली खेलकुदमा स्वर्ण जितिसकेकाले यसपल्ट एसियाली खेलकुदका उनको लक्ष्य शीर्ष ५ भित्र रहने थियो।  तर, आत्महत्यासँगै उनीसँगै यो सपना पनि सकिएको छ।

बैशाख २७, २०७९, मंगलबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin: [email protected]
News: [email protected]

विज्ञापनका लागि सम्पर्क

+977 9851081116
[email protected]

जीवन बस्नेत
अप्रेसन म्यानेजर
सुरेन्द्र रिजाल
निर्देशक, अटो संस्करण
सविन पोखरेल
लेखा प्रमुख
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी
चिरञ्जीवी आचार्य

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

सम्पादक
अरुण बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed by Curves n' Colors. Powered by .
ad ad