आइसीसी विश्वकप त्रिकोणात्मक एक दिवसीय सिरिजमा पपुवा न्यु गिनीले यूएईसामु २३५ रनको लक्ष्य प्रस्तुत गरेको छ।
कीर्तिपुरस्थित त्रिवि क्रिकेट मैदानमा टस जितेर ब्याटिङ गरेको पीएनजीले निर्धारित ५० ओभरमा ७ विकेट गुमाएर २३४ रनको योगफल तयार पारेको हो।
पीएनजीका कप्तान असद भालाले सर्वाधिक ६५ रनको योगदान दिए। ९२ बलको सामना गरेका भालाले ६ चौका र १ छक्का हाने।
नोर्भन भनुवा ४९ र चाड सोपर शुन्य रनमा नटआउट रहे। ओपनर किपलिन डोरिगा २४ र हिरि हिरि ४ रनमा आउट भए।
रिले हेकुरेले २२, चाल्र्स अमिनी २२ र गौडी टोकाले १५ रन थपे।
युएईका हजरत बिलाल एक्लैले ४ विकेट लिए। रोहन मुस्तफा र जवार फरिदको नाममा एक एक् विकेट रह्यो।
यूएईले केहीबेरमा जवाफी ब्याटिङ गर्नेछ। आज पीएनजीसँग खेलेको यूएईले बिहीबार नेपालसँग अन्तिम म्याच खेल्नेछ।
Shares
प्रतिक्रिया