ad ad

खेल


शहिद स्मारक ए डिभिजन लिग : १३ चरणसम्मको खेल तालिका सार्वजनिक

शहिद स्मारक ए डिभिजन लिग : १३ चरणसम्मको खेल तालिका सार्वजनिक

नेपालखबर
चैत १६, २०७९ बिहिबार १७:४०, काठमाडौँ

शहिद स्मारक ए डिभिजन लिगको छैटौँ चरणको पहिलो खेलमा संकटा क्लब र एफसी खुमलटार भिड्ने भएका छन्। 

अखिल नेपाल फुटबल संघ एन्फाले बिहिबार छैटौँदेखि १३ चरणसम्मको खेल तालिका सार्वजनिक गरेको हो। 

सोमबारदेखि सुरु हुने छैटौँ चरणका खेल च्यासल र एन्फा कम्प्लेक्सको मैदानमा हुनेछ। सातौँ चरणदेखिका खेल दशरथ रंगशालामा हुने एन्फाले जनाएको छ। 

छैटौँ चरणको पहिलो दिन दुई खेल हुनेछ। सोही दिनको दोस्रो खेलमा विभागीय डर्बीमा एपीएफ एफसी र नेपाल पुलिस क्लब भिड्नेछन्। यो खेल च्यासल मैदानमा दिउँसो दुई बजे सुरु हुनेछ। 

मंगलबार एनआरटी र चर्च ब्वाइज च्यासल मैदानमा खेल्दा जावलाखेल युथ क्लब र सातदोबाटो युथ क्लब एन्फा मैदानमा हुनेछ। 
बुधबार मछिन्द्र एफसीले हिमालयन शेर्पासँग एन्फा मैदानमा खेल्दा आर्मीले थ्रीस्टारसँग च्यासल मैदानमा खेल्नेछ। दुवै खेल दिउँसो २ बजे सुरु हुनेछ। 

छैटौँ चरणको अन्तिम खेलमा मनाङ मर्स्याङ्दी क्लवले फ्रेण्ड्स क्लबसँग च्यासल मैदानमा दिउँसो २ बजे खेल्नेछ।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .