गुजरात टाइटन्सले इन्डियन प्रीमियर लिग (आईपीएल) को जारी सिजनमा दोस्रो जित निकालेको छ।
जारी सिजनको आइतबार भएको १२ औँ भिडन्तमा गुजरातले सनराइजर्स हैदराबादलाई ७ विकेटले हराएको छ।
यस जितका साथ गुजरातको टोली आईपीएलको चौथो नम्बरमा उक्लेको छ। उता पराजित हैदराबाद तालिकाको पाँचौँ नम्बरमा छ।
अहमदाबादमा आइतबार भएको भिडन्तमा सनराइजर्स हैदराबादले टस जितेर ब्याटिङ गर्दै २० ओभरमा ७ विकेट गुमाएर १६२ रनको सामान्य योगफल तयार पारेको थियो।
१६३ रनको सामान्य लक्ष्यलाई गुजरातले १९.१ ओभरमा ३ विकेट गुमाउँदै भेट्टाउन सफल भयो।
गुजरातका साई सुदर्शनले ३६ बलमा ४५ रनको पारी खेले। उता डेभिड मिलरले २७ बलमा अविजित ४४ रन बनाए।
कप्तान शुभमन गिलले ३६ र ऋद्धिमान साहाले २५ रनको योगदान दिए।
सनराइजर्सकोतर्फबाट अभिषेक शर्मा र अब्दुल समदले २९-२९ रन बनाए। हेनरिक क्लासनले २४ रनको योगदान दिए।
प्लेयर अफ दि म्याच घोषित गुजरातका मोहित शर्माले २५ रन दिएर ३ विकेट झारे।
Shares
प्रतिक्रिया