युनिकोड
सिद्धार्थ बैंक नेपाल प्रिमियर लिगको सिजन २ को सर्वाधिक विकेट लिने बलरमा लुम्बिनीका शेर मल्लले विराटनगरका कप्तान सन्दीप लामिछानेसँग बराबरी गरेका छन्।
सन्दीपले १७ विकेट लिएका थिए। सुदूरपश्चिमविरुद्ध ३ विकेट लिएसँगै शेर मल्लको पनि विकेट संख्या १७ पुगेको हो।
मल्लले ४ ओभरमा १८ रन खर्चिँदै ३ विकेट लिएका हुन्। तर उनीहरु दुवैको सर्वाधिक विकेटको कीर्तिमान सूदुरपश्चिमका अविनाश बोहराले तोड्न सक्छन्।
उनको एक विकेट कम छ। अब लुम्बिनीविरुद्ध कम्तीमा २ विकेट लिए सर्वाधिक विकेटको कीर्तिमान आफ्नो नाममा गर्ने मौका अविनाशलाई छ। एक विकेट लिए पनि तीन बलरको समान १७ विकेट हुनेछ।
सन्दीपले ९ खेलमा ३६ ओभर बलिङ गर्दै १७७ रन मात्रै खर्चिएका छन्। १० खेलमा ३६ ओभर बलिङ गरेका मल्लले २३४ रन खर्चिए। अविनाशले ८ खेलमा २५.१ ओभर मात्रै बलिङ गर्दा १९४ रन खर्चिएर सन्दीप र शेरभन्दा एक विकेट कम लिएका हुन्।
सर्वाधिक विकेट लिने खेलाडीले मोटरसाइकल पुरस्कार पाउनेछन्। पहिलो सिजन जनकपुर बोल्ट्सका ललितनारायण राजवंशीले जितेका थिए।
प्रतिक्रिया