आर्मीको तेस्रो जित दर्ता

कुशल मल्लको विष्फोटक ब्याटिङमा त्रिभुवन आर्मी क्लबले प्रधानमन्त्री कप एक दिवसीय राष्ट्रिय क्रिकेट प्रतियोगितामा तेस्रो जित दर्ता गर्दै अपराजित यात्रालाई कायम राखेको छ। 

आइतबार भएको खेलमा आर्मीले बागमतीलाई ३ विकेटले हराएको हो। जितसँगै आर्मी ७ अंकमा तालिकाको शीर्ष स्थानमा उक्लेको छ। आर्मीले ३ खेलमा जित निकाल्दा एक खेलमा अंक बाँडेको छ। 

बागमतीले भने प्रतियोगितामा तेस्रो हार व्यहोरेको हो। बागमतीले एक खेलमा जित र तीन खेलमा हार भोगेको छ। वर्षाका कारण खेल २८ ओभरमा घटाइएको थियो। 

बागमतीले दिएको २ सय ९ रनको लक्ष्य आर्मीले १ बल अगावै ७ विकेटको क्षतिमा भेट्टायो। 

आर्मीको जितमा कुशल मल्ल ९० र साहब आलम २ रनमा विजित रहे। कुशलले ५८ बलमा ३ चौका र ८ छक्का प्रहार गर्दै आर्मीलाई जित दिलाउन महत्वपुर्ण भूमिका खेले। 

ओपनर तृत राज दासले ५४ रन थपे। नरेन साउदले २६ र अर्जुन साउदले १४ रन थपे। 

बागमतीका लागि इशान पाण्डे र विवेक मगरले समान २ विकेट लिए। रिजन ढकाल, सन्दीप लामिछाने र सोनु देवकोटाले समान एक विकेट लिए। 

त्यसअघि मुलपानी क्रिकेट मैदानमा त्रिभुवन आर्मीले टस जितेर फिल्डिङ रोजेपछि ब्याटिङ गरेको बागमती प्रदेशले निर्धारित २८ ओभरमा ७ विकेटको क्षतिमा २ सय ८ रनको योगफल तयार पारेको थियो। 

आर्मीका ओपनर आशुतोष घिरैयाले ३८ र पवन थापाले ३५ रन थपे। सोनु देवकोटा ३० र कप्तान सन्दीप लामिछाने २१ रनमा अविजित रहे। 
विवेक मगरले ३०, प्रतिश जिसीले २८ र शुभ कंसाकारले १५ रन थपे। 

बागमतीका नरेन साउदले ४ विकेट दिए। सहाब आलम, दुर्गेश गुप्ता र बसिर अहमदले समान एक विकेट लिए।