युनिकोड
राष्ट्रिय टोलीका कप्तान तथा गोलरक्षक किरण चेम्जोङ नेपाल सुपर लिगमा धनगढी एफसीको आइकोनिक प्लेयर बनेका छन्।
धनगढीले बिहीबार पत्रकार सम्मेलन गर्दै क्लबको आइकोनिक प्लेयर र प्रशिक्षक सार्वजनिक गरेको हो।
एफसी सोलिडारिटी कप २०१६, थ्री नेसन्स कप २०२१ को उपाधि दिलाउन महत्वपूर्ण भुमिका खेलेका कप्तान चेम्जोङ अप्रिल ५ मा एफसी इन्टरनेशनल प्लेयर अफ दि विक समेत बनेका थिए।
५ वर्षपछि सुपर लिगमार्फत घरेलु फुटबल खेल्न लागेका किरणले निकै उत्साहित रहेको बताए।
लामो समयपछि घरेलु फुटबलमा फर्केका किरण आफ्नो शतप्रतिशत दिने र टोलीलाई उपाधि जिताउने बताए।
उनले भने, ‘लामो समयपछि घरेलु फुटबलमा फर्केको छु, शतप्रतिशत दिएर टोलीलाई उपाधि जिताउनेछु।’
धनगढी एफसीको प्रस्तावमा आफू सन्तुष्ट भएर प्रस्ताव स्वीकार गरेको र आर्थिक पक्षमा पनि सन्तुष्ट रहेको उनको भनाइ छ।
क्लबले प्रशिक्षकमा युगल किशोर राईलाई अनुबन्ध गरेको छ। एफसी ए लाइसेन्स प्राप्त राईले यसअघि झापा यु १८, झापा ११ फुटबल क्लवको टोलीलाई हेरिसकेका छन्।
राईकै प्रशिक्षण झापा फुटबल क्लवले सी डिभिजन लिगमा चौथो र बी डिभिजन लिगमा बासबारी क्लवले तेस्रो स्थान बनाउन सफल भएको थियो।
राईले ए डिभिजन क्लव रुस्लान थ्रीस्टार, एनआरटी, मनाङ मस्र्याङदी, आरसिटी र नेपाल पुलिस क्लवको टोलीबाट खेलेका छन्।
प्रतिक्रिया