युनिकोड
यस वर्ष हुने हङकङ सिक्सेजमा नेपालले शरद भेषावकरको कप्तानीमा खेल्ने भएको छ।
नेपाल क्रिकेट संघ (क्यान)ले हङकङ जाने टोली घोषणा गरेको हो।
यसअनुसार शरदसहित सन्दीप जोरा, लोकेश बम, बसिर अहमद, आदिल आलम, राशिद खान र रुपेश सिंह टोलीमा रहेका छन्।
हङकङमा प्रत्येक वर्ष हङकङ सिक्सेज आयोजना हुँदै आएको छ। यस वर्ष नोभेम्बर ७ देखि ९ सम्म प्रतियोगिता हुनेछ।
यो वर्षको खेल टिन कङ रोड रिक्रिएसन ग्राउन्डमा आयोजना हुनेछ।
सन् २०२४ को संस्करणमा १२ अन्तर्राष्ट्रिय टोलीले समूह चरणमा प्रतिस्पर्धा गरेका थिए। त्यसपछि प्लेट, कप र बल नकआउट स्टेजमा खेल खेलाइएको थियो।
प्रतिक्रिया