युनिकोड
फिफा विश्वकप-२०२६ अन्तर्गत भर्खरै सकिएको खेलमा मेक्सिकोलाई पराजित गर्दै इंग्ल्यान्ड अन्तिम ८ मा प्रवेश गरेको छ।
मेक्सिकोको घरेलु मेदान अज्टेका स्टेडियममा भएको खेलमा १० खेलाडीमा सिमित इंग्ल्यान्डले ३-२ गोल अन्तरले सहआयोजक मेक्सिकोलाई पराजित गरेको हो।
अन्तिम १६ (क्वार्टरफाइनल)को खेलमा मेक्सिकोविरुद्ध इंग्ल्यान्डले पहिलो हाफमा २-१ को अग्रता बनाएको थियो। दोस्रो हाफमा इंग्ल्यान्ड र मेक्सिकोले थप १-१ गोल गरे।
इङ्ग्ल्यान्डको जितमा जुड बेलिङहमले २६औँ र ३८औँ मिनेटमा गोल गरे भने कप्तान ह्यारीले खेलको ६०औँ मिनेटमा निर्णायक गोल थपे।
मेक्सिकोका लागि जुलियनले खेलको ४२औँ मिनेट र राउल जिमिनेजले ६९ औँ मिनेटमा गोल गरे।
खराब मौसमका कारण मेक्सिको र इंग्ल्यान्डबीचको खेल एक घण्टा ढिला सुरु भएको थियो।
इङ्ल्यान्ड खेलको ५५ औँ मिनेटदेखि दश खेलाडीमा सीमित बनेको थियो। खेलको ५४औँ मिनेटमा इङ्ग्ल्यान्डका डिफेन्डर जारेल क्वान्साहले जेसस गालार्डोमाथि ट्याकल गरेपछि रातो कार्ड पाएर बाहिरिए।
इङ्ग्ल्यान्डले अब क्वाटरफाइनल खेलमा नर्वेसँग खेल्नेछ ।
प्रतिक्रिया