युनिकोड
कैलालीमा एक युवकको घाँटी रेटेर बीभत्स हत्या गरिएको छ।
जिल्लाको घोडाघोडी नगरपालिका-८ मा शुक्रबार राति सुर्खेतको चौकुने गाउँपालिका-३ का २८ वर्षीय केशरसिंह बुढाको घाँटी रेटेर हत्या गरिएको हो।
जिल्ला प्रहरी कार्यालय, कैलालीका डीएसपी राजकुमार सिंहका अनुसार हत्यामा संलग्न दुई युवकलाई पक्राउ गरिएको छ।
पक्राउ पर्नेमा घोडाघोडी गाउँपालिका-८ का १८ वर्षीय बलबहादुर विक र १९ वर्षीय गंगा बुढा क्षेत्री छन्।
प्रहरीका अनुसार खाजा पसलमा रक्सी खाने बेला विवाद हुँदा उनीहरूले धारिलो हतियार प्रयोग गरी केशरको टाउको छिनालेका हुन्।
हतियार र छिनालेको टाउको बोकेर राति घोडाघोडी नगरपालिका-३ स्थित उनीहरू अस्थायी प्रहरी पोस्ट प्रतिखेतनजिक पुगेका थिए।
प्रहरीले राति कता हिँडेको भनेर सोधेपछि उनीहरूले मान्छे मारेको र टाउको बोकेर आएको भनेका थिए।
हत्यामा संलग्न ती युवकलाई नियन्त्रणमा लिएर अनुसन्धान थालिएको प्रहरीले जनाएको छ।
प्रतिक्रिया