‘अला बैकुन्ठपुरमलो’ को हिन्दी रिमेकमा कार्तिकको पारिश्रमिक २१ करोड

 बलिउड अभिनेता कार्तिक आर्यन चाँडै साउथ सुपरस्टार अल्लू अर्जुन अभिनित सुपरहिट फिल्म ‘अला बैकुन्ठपुरमलो’ को हिन्दी रिमेक ‘शहजादा’ मा देखिने भएका छन्। 

यो फिल्ममा उनको अपोजिटमा कृति सेनन देखिने भएकी छन्। कार्तिक र कृतिले आउँदो २५ अक्टोबरदेखि ‘शहजादा’ को छायांकन सुरु गर्नेछन् । मुम्बई र दिल्लीमा यो फिल्म खिचिने भएको छ।
 
कार्तिकले यो फिल्मका लागि महंगो पारिश्रमिक बुझेका छन्। ‘शहजादा’ का लागि उनी भारतीय २१ करोड रुपैयाँमा अनुबन्ध भएका छन्। 

एकपछि अर्को फिल्मको सफलतापछि उनले पारिश्रमिक बढाइरहेका छन्। निर्माताहरुले उनको मार्केट भ्यालूलाई ख्याल गरेर मागेजति पारिश्रमिक दिइरहेका छन्।