युनिकोड
हरिस निरौला ‘कक्रोज’ र पेरिसा कडेँल अभिनित ‘मनैमा शितलो’ गीतको भिडियो सार्वजनिक भएको छ।
‘भिडियो भकारी’को प्रस्तुती रहेको गीतमा प्रशान्त पौडेलको शब्द संगित रहेको छ भने प्रविन भट्ट र पूजा देवकोटाको स्वर रहेको छ।
प्रायः जसो लामो लट्टा परेको कपालमा देखा पर्ने ‘कक्रोज’ यस गीतमा भने फरक भूमिकामा प्रस्तुत भएका छन्। गाउँले परिवेशलाई चित्रण गरिएको भिडिओमा घाँसदाउर गर्ने साधारण युवाको भूमिकामा ‘कक्रोज’लाई देख्न सकिन्छ। उनको फरक रुपलाई दर्शकहरुले तारिफ गरेका छन्।
प्रत्यक्ष दोहोरीमा निकै चर्चित गायिका पूजा देवकोटा र प्रविन भट्टको स्वरमा रहेको गीत लोक आधुनिकको फ्युजनमा बनेको छ। सागरबाबु भट्टको कथा तथा निर्देशनमा बनेको भिडिओलाई प्रविन भट्टले सम्पादन गरेका छन्। दिनसन शाहको रंग संयोजन रहेको भिडिओलाई अजय रेग्मीले खिचेका हुन्।
प्रतिक्रिया