युनिकोड
आजदेखि हलमा प्रदर्शन भएको फिल्म ‘नरसिंहा अवतार’ को दोस्रो श्रृंखला बन्ने भएको छ। निर्माणटिमले फिल्मको पोस्ट-क्रेडिटमार्फत दोस्रो श्रृंखला बनाउने घोषणा गरेका हुन्।
फिल्म दृश्य सकिएलगत्तै हमाल पर्दामा देखिन्छन् र पृष्ठभूमिमा एक नरसिंहाको मुखौटाधारी एक पात्र देखिन्छ। त्यसपछि ‘नरसिंहा अवतार २’ लेखिएको छ। दोस्रो पार्टमा पनि राजेशलाई नै देख्न पाइनेछ।
दिवाकर भट्टराईको लेखन र निर्देशन रहेको यस फिल्मबाट राजेश हमालले आठवर्षपछि कमब्याक गरेका हुन्। फिल्ममा राजेशसहित राज कटुवाल, प्रशान्त ताम्राकार, सनिशा भट्टराई,नीति शाह उषा खड्की लगायतको अभिनय रहेको छ।
दिवाकर भट्टराइकै लेखन र निर्देशन रहेको फिल्ममा दीपक शर्मा ढकाल, नरेन्द्र महर्जन र ध्रुव न्यौपानेको लगानी छ।
बिहान ठिकठाक अकुपेन्ची भएपनि दिउँसोबाट दर्शकहरूको फ्लो बढ्ने विश्वास गरिएको छ। अभिनेता हमाल दिउँसोदेखि दर्शकहरू भेट्न हल जाने भएका छन्।
प्रतिक्रिया