युनिकोड
बलिउड अभिनेत्री शेफाली जरीवालाको जुन २७ मा मृत्यु भयो। उनको मृत्युको कारण हृदयघात बताइएको छ।
पाँच जना डाक्टरको टोलीले कुपर अस्पतालमा शेफाली जरीवालाको पोस्टमार्टम गरेपछि अभिनेत्रीको शव उनको परिवारलाई हस्तान्तरण गरिएको थियो।
उनको अन्तिम संस्कार जुन २८ मा गरिएको थियो।
शेफालीको प्रार्थना सभा जुन २ मा भएको थियो, जसको भिडिओ इन्टरनेटमा द्रुत गतिमा भाइरल भइरहेको छ। उनका बुबाको अवस्था देखेर दर्शकले आँखामा आँसु रोक्न सकिरहेका छैनन्।
भिडिओमा छोरी शेफाली जरीवालाको तस्बिर छ, जुन अभिनेत्रीका बुबा सतीश जरीवालाले देख्न पनि सकिरहेका छैनन्। उनी कहिले हातले त कहिले रुमालले आँखाबाट आँसु पुछिरहेका छन्।
आफ्नी श्रीमतीको मृत्युले पूर्ण रूपमा स्तब्ध भएका पराग त्यागीले प्रार्थना सभामा धेरै साहस देखाए। उनले आफ्ना ससुरा र शेफाली जरीवालाको रोइरहेका बुबाको टाउकोमा मायालुपूर्वक सुम्सुम्याउँदै उनलाई शान्त पार्ने प्रयास गरे।
भाइरल भिडिओ हेरेपछि, शुभचिन्तकहरुले सामाजिक सञ्जालमा शेफाली जरीवालाको बुबालाई पनि प्रोत्साहन दिइरहेका छन्।
प्रतिक्रिया