‘वरिष्ठ बलराम’को ट्रेलरमा दयाहाङ र विजयको टकराव

फिल्म ‘वरिष्ठ बलराम’को ट्रेलर सार्वजनिक भएको छ। सार्वजनिक ट्रेलरमा चलचित्रका मुख्य दुई पात्र दयाहाङ राई र विजय बरालबीचको टकराव देख्न सकिन्छ। 

खोलाको ढुंगा र बालुवाको ठेकेदार रहेका दयाहाङको खोलामा विजयले आँखा गाडेपछि सुरु हुने द्वन्द्वको वरिपरि सिनेमाको ट्रेलर घुमेको छ। त्यसैगरि,  विजय समृद्धि अर्यालको प्रेममा परेको कुरा पनि ट्रेलरमा अटाएको छ।  

ट्रेलरमा वरिष्ठको चरित्रमा दयाहाङ र बलरामको चरित्रमा विजय देखिएका छन्। सुरेन्द्र पौडेल निर्देशित यो फिल्म कात्तिक ६ गते भाइटीकामा रिलिज हुँदैछ।

यस फिल्ममा दयाहाङ, विजय र समृद्धिसहित पशुपति राई, माओत्से गुरुङल, भोलाराज सापकोटा, रामबाबु रेग्मी, प्रदीप कुमार चौधरी (पीके) लगायत कलाकारको अभिनय छ।