‘बाटुलो जून’ शुभमुहूर्त, अनमोलको जोडी प्रिन्सी कि न्यान्सी?

‘अनमोललाई हिजोको दिनमा देख्दै आउनुभएको भन्दा भिन्न लूक्स र अबतार दर्शकले यो चलचित्रमा देख्न सक्नुहुनेछ। यो चलचित्र नेपाली समाजको कथा, हरेक परिवारको कथा र पछिल्लो पुस्ताका युवायुवतीहरूको आफ्नै कथा बन्नेमा हामी विस्वस्त छौं,’निर्माता जिया केसीले बताइन्। 

'बाटुलो जून' निर्माणमा जीयासँग भविष्य खड्काले साझेदारी गरेकी छन्। खड्का पछिल्लो हिट फिल्म 'जेरी अन टप'की निर्मात्री हुन् । 

अभिनेता अनमोल केसीले हिजोको दिनमा बुवा भुवन केसीले 'चिनो', सम्झना' र 'कुसुमे रूमाल'जस्ता चलचित्रमा निभाएको भुमिका र सोहि चलचित्रहरूमा देखिएको लूक्समै आज आफुलाई पाएको भन्दै घुमाउरो पाराले बुवाकै विरासत धान्ने गरि यो चलचित्रमा जोडिएको बताए । बोली, भाषादेखि धेरै कुरामा भिन्न तरिकाले प्रस्तुत हुन लागेको भन्दै अनमोलले सम्पूर्ण टिमको मेहनत र साथले आफुले पनि पात्रलाई न्याय गर्ने र चलचित्र पनि उत्कृष्ट बन्ने बताए ।

अभिनेत्रीद्वय प्रिन्सी र न्यान्सीको अनमोलको फ्यानको रूपमा परिचित गराउँदै एकसाथ स्कृन सेयर गर्न पाउनुलाई गर्व र सिकाइको अबसरको रूपमा लिएको बताए।

तेजबिक्सम केसी कार्यकारी निर्माता छन् भने लेखन सामिप्यराज तिमिल्सेना र सरिन पोखरेलको छ । प्रदीप श्रेष्ठ एसोसिएट निर्देशक रहेको चलचित्रमा छायांकन राजेश श्रेष्ठको रहनेछ। रेनशा वान्तवा राईको कोरियोग्राफी रहने छ ।