‘मिरमिरे’ को गीतमा दयाहाङ पत्नी बेनुकाले दिइन् स्वर

फिल्म ‘मिरमिरे’ को मुख्य भूमिकामा अभिनेता दयाहाङ राई छन्। यस फिल्मको टिजर सार्वजनिक भइसकेको छ। बुवा र छोरीको भावनात्मक सम्बन्ध रहेको टिजरले दर्शकले मन जितिरहेको छ। 

 प्रचारप्रसार सामाग्री बाहिर ल्याउन थालेको निर्माण टिमले केही दिन पछाडि गीत सार्वजनिक गर्ने तयारी गरेको छ। जुन गीतमा बेनुका राईको स्वर रहेको निर्माणपक्षले जनाएको छ। 

बेनुका अभिनेता दयाहाङ राईकी श्रीमती हुन्। जो गायिका समेत हुन् । तर, उनी विवाह र दयाहाङ राई अभिनयमा व्यस्त भएपछि गायन त्यति धेरै सक्रिय छैनन्। सिनेमाको कथा भन्ने गीत बेनुकाले गाएको बताइएको छ।

बेनुकाको स्वर रहेको यो गीतमा हर्क साउदको शब्द र मनोज थापा मगरको संगीत छ।