‘मिरमिरे’ को शीर्ष गीतमा त्रिकोणात्मक प्रेमकथा

यम शेर्पाको लेखन तथा निर्देशन रहेको फिल्म ‘मिरमिरे’को शीर्ष गीत सार्वजनिक भएको छ। सार्वजनिक गीत  ‘मिरमिरे भो’ मा प्रकाश सपुत र मेलिना राईको स्वर छ।

सार्वजनिक गीतमा प्रकाशकै शब्द तथा संगीत रहेको छ। गीतमा युवा र युवतीबीचको प्रेम छ। एकले अर्कोलाई देखेपछिको आकर्षण छ। सुन्दरताले मोहित पारेको कथा गीतमा छ। युवकको हेराईले युवतीमा पारेको प्रभाव र युवतीको सुन्दरताको बयान गीतमा सुन्न सकिन्छ ।

गीतको भिडिओमा मुख्य कलाकार दयाहाङ राई, प्रकाश सपुत र सिर्जना निङलेखु छन्। यो गीतको भिडिओमा त्रिकोणात्मक प्रेम कथा छ । सिर्जनाको सुन्दरतामा मोहित भएका दयाहाङ र प्रकाशलाई देखाएको छ। 

‘मिरमिरे’मा बुवाको भूमिकामा दयाहाङ राई छन्, जसले छोरीको पात्र शाइसा गौचनले निभाएकी छन् ।