निखिल र वर्षाको मुख्य भूमिका रहेको ‘कस्तुरी’ को शुभ मूहुर्तसँगै छायांकन सुरु

फिल्म ‘कस्तुरी’ को शुभमूहुर्त गरिएको छ। मंगलबार बिहान ललितपुरको बंगलामुखी मन्दिरमा शुभ मूर्हतसँगै सुटिङ सुरु गरिएको हो।

शुभमुर्हतसँगै निर्देशक ऋत बोहोराले आजैबाट फिल्मको सुटिङ थालिएको बताए। फिल्मको अधिकांश छायांकन काठमाडौँ र आसपासमा हुनेछ। उनले रहस्य र अपराधका गहिरा तहहरूलाई फिल्मले उजागर गर्ने बताए।

यस फिल्मबाट नै अभिनेता निखिल उप्रेती र वर्षा सिवाकोटीले पहिलोपटक स्क्रिन सेयर गर्दै छन्। फिल्ममा निखिल र वर्षासहित शेखर चापागाईं, निर्मल शर्मा, निशा अधिकारी, अर्जुन गुरुङ, भोलाराज सापकोटा, सबी थापा, प्रशान्त केसी, सन्तोष बानियाँ, सुवास बम्जन, मिरा पण्डित, घनश्याम जोशी, श्रेया श्रेष्ठ, प्रतिष्ठा थापा, नेहा गौतम र विशेष भुमिकामा गौरव पहारी र हेना नगरकोटीको अभिनय रहनेछ।

टेन इन्टरटेनमेन्ट प्रालिको ब्यानरमा निर्माण हुन लागेको यस फिल्मको कथा ऋत बोहोराले नै लेखेका हुन्। यस फिल्मका निर्माता धिरज कुमार अग्रवाल हुन् भने को-प्रोड्युसरमा अञ्जली चौधरी रहेकी छन्।

फिल्मका छायांकार आलोक शुक्ला रहेका छन् भने प्रमुख सह-निर्देशक ललित विष्ट हुनेछन्। त्यसै गरि फिल्मको संगीत प्रशान्त शिवाकोटीको छ भने निर्माण व्यवस्थापन दिलीप पन्तले गर्दै छन्।