भोलिबाट रिलिज हुने यौनकर्मीको कथामा बनेको फिल्म ‘लालिमा’ ले कति पायो शो?

भोलि अर्थात शुक्रबारदेखि प्रदर्शन हुने फिल्म ‘लालिमा’को अग्रिम टिकट बुकिङ खुलेको छ। बिहिबारदेखि देशभरका हलहरूले यसको बुकिङ खुला गरेका हुन्। 

यस फिल्मले प्रदर्शनको पहिलो दिन शुक्रबारका लागि देशभरबाट ६० भन्दा बढी शो पाएको छ। चुनावपछि प्रदर्शनमा आउन लागेको यो पहिलो फिल्म हो ।

वास्तविक यौनकर्मीहरू समस्या, पीडा र मानसिकताको घटनामा बनेको यस फिल्ममा रोश्नी कार्की मुख्य भूमिकामा छिन्। फिल्ममा जीवन भट्टराई, उषा रजक र शिशिर वाङदेन, सुष्मा निरौला, घनश्याम जोशी र सबिन कट्टेललगायतको अभिनय रहेको छ।

फेथ आस्थाको प्रस्तुतिमा बनेको यस फिल्मकी कार्यकारी निर्माता रीना लामा हुन्। नेसनल सिने ग्रुप नेपालले फिल्म वितरणको जिम्मेवारी लिएको छ ।