युनिकोड
दीपेन्द्र लामाको निर्देशनमा फिल्म ‘छ माया छपक्कै-२’ को छायांकन सुरु भएको छ। पहिलो दिन गागलफेदीमा दीपकराज गिरी र केकी अधिकारीको भागको दृश्य खिच्दै फिल्मको सुटिङ सुरु गरिएको हो।
गत सोमबार मात्रै फिल्मको शुभमुहूर्त गरिएको थियो। सामाजिक-राजनीतिक कथावस्तु रहेको ‘छ माया छपक्कै-२’ आमा सरस्वती मूभिज र रोहित अधिकारी फिल्म्सको ब्यानरमा बन्न लागेको हो।
फिल्मको छायांकन दुई चरणमा हुनेछ। पहिलो चरणमा ३० र दोस्रो चरणमा २० गरी ५० दिन छायांकन गरिने निर्माण टिमले जनाएको छ। फिल्मको सुटिङ काठमाडौँसहित पोखरा र नुवाकोटमा हुनेछ।
यो फिल्म सन् २०१९ को चर्चित फिल्म ‘छ माया छपक्कै’ को दोस्रो शृंखला हो। दीपेन्द्र लामाको निर्देशन रहेको यस फिल्मले सामाजिक-राजनीतिक कथावस्तुलाई समेटेको छ।
फिल्मको पटकथा दीपेन्द्रसहित दीपकराजले लेखेका हुन्। फिल्ममा दीपक र केकीसहित सनिशा भट्टराई, दीपाश्री निरौला र निर्मल शर्मा लगायतको अभिनय रहनेछ।
रोहित अधिकारी निर्माता रहेको फिल्मको कार्यकारी निर्मातामा निर्मल शर्मा र सुरज बम ठकुरी हुन्। यो फिल्म आगामी दशैँमा रिलिज हुनेछ।
प्रतिक्रिया