किशोर मनस्वीको गजलः मार्सी चामलको भात कति रसिलो छ कमरेड?

सत्य भन्न पनि कति असजिलो छ कमरेड
तिम्रो अनुहारभरी हिलैहिलो छ कमरेड।

 आश्वासन नै कति मीठो, मीठो थियो हिजो
आज त चिनी पनि अमिलो छ कमरेड।

पराइ त के आफ्नैले पनि भजन गाउन छाडे
यो समय कस्तो अगतिलो छ कमरेड।

हामी त सधैं खुसी नै छौँ आटो र पिठोमा
मार्सी चामलको भात कति रसिलो छ कमरेड?

हिजो सुकेनासले खाएजस्तै थियो तिम्रो मुहार
के जादू चल्यो आज भरिलो छ कमरेड।