युनिकोड
नेपाली कांग्रेसका सभापति गगन थापा आज (शुक्रबार) पोखरा आइपुगेका छन्।
विशेष महाधिवशेनबाट पार्टीको सभापति भएपछि उनी पहिलोपटक पोखरा आइपुगेका हुन्।
शुक्रबार बिहान पोखरा विमानस्थल ओर्लिएका थापालाई गण्डकीका मुख्यमन्त्री सुरेन्द्रराज पाण्डेसहितका कांग्रेस नेताहरूले स्वागत गरेका छन्।
गण्डकीका मुख्यमन्त्री पाण्डे हालै भएको कांग्रेसको विशेष महाधिवेशनको विपक्षमा थिए।
एयरपोर्ट पुगेका पाण्डेसँग सभापति थापाले खुलेर कुराकानी मात्र गरेनन्, कदममा कदम पनि मिलाए।
सभापति थापा केही बेरमा नेपाली कांग्रेस कास्कीले चिप्लेढुंगाको पार्टी कार्यालयमा आयोजना गरेको कार्यकर्ता भेटघाटमा सहभागी हुनेछन् भने लगत्तै कांग्रेस गण्डकीको बैठकमा सामेल हुँदै छन्।
त्यसपछि उनले गण्डकी क्षेत्रका विभिन्न जिल्लाका नेता/कार्यकर्ता एवं उम्मेदवारसँग छलफल गर्ने कार्यक्रम रहेको कांग्रेसले जनाएको छ।
प्रतिक्रिया