युनिकोड
अमेरिकाका राष्ट्रपति डोनाल्ड ट्रम्पले इरान युद्धका कारण स्थगन गरिएको आफ्नो चीन भ्रमणबारे नयाँ जानकारी दिएका छन्।
ट्रम्पले ट्रुथ सोसलमार्फत चीनका राष्ट्रपति सी चिनपिङसँग भेटको तालिका पुन: तय गरिएको जानकारी दिएका हुन्।
‘यो भेटघाट सुरुमा इरानमा हाम्रो सैन्य कारबाहीका कारण स्थगन गरिएको थियो’, उनले लेखेका छन्, ‘अब हाम्रो भेट आगामी मे १४ र १५ मा बेइजिङमा हुनेछ।’
यस क्रममा ट्रम्पले यसपछि यसै वर्ष प्रथम महिला मेलानिया र आफूले वासिङ्टन डीसीमा राष्ट्रपति सी र म्याडम पेङलाई पनि स्वागत गरिने जानकारी दिएका छन्।
ट्रम्पले अगाडि लेखेका छन्, ‘हाम्रो प्रतिनिधिमण्डल ऐतिहासिक (चीन) यात्राको तयारीमा व्यस्त छ। म राष्ट्रपति सीसँग समय बिताउन धेरै उत्सुक छु। मलाई विश्वास छ- यो अत्यन्त महत्त्वपूर्ण र अविस्मरणीय हुनेछ।’
प्रतिक्रिया