युनिकोड
अमेरिकी गुप्तचर एजेन्सी सीआईएका प्रमुख जोन रेटक्लिफले क्युबा भ्रमण गरेपछि त्यहाँ अमेरिकाले आक्रमण गर्ने आशंका बढेको छ।
सम्भावित सैन्य द्वन्द्वलाई ध्यान दिँदै क्युबा सरकारले युद्धजस्तो तयारी तीव्र बनाएको छ।
देशभरका नागरिकलाई छापामार युद्धको तालिम दिँदै आपत्कालीन अवस्थाका लागि तयार रहन भनिएको छ।
सीएनएनको रिपोर्टअनुसार क्युबाको राजधानी हवानास्थित धेरैवटा सरकारी भवनलाई सम्भावित आक्रमण सामनाका लागि तयारी गर्न निर्देशन दिइएको छ।
क्युबाले लामो समयदेखि अमेरिकाबाट तेल नाकाबन्दी र आर्थिक दबाब झेलिरहेको छ।
अवस्था यस्तो छ कि धेरै क्षेत्रमा बिजुली कटौती, इन्धन र आवश्यक सामानको अभाव भइरहेको छ।
नागरिकलाई छापामार युद्ध सिकाइँदै
क्युबाका सरकारी सञ्चारमाध्यमले सर्वसाधारणलाई सैन्य तालिम दिइरहेको देखाएका छन्।
जहाँ पूर्वराष्ट्रपति फिडेल क्यास्ट्रोको ‘सम्पूर्ण जनताको युद्ध’ रणनीतिअनुसार तालिम सञ्चालन भइरहेको देखिएको छ।
केही भिडिओमा सैनिकहरू पुरानो सोभियत हतियारका साथ अभ्यास गरिरहेका देखिन्छन्। एउटा भिडिओमा गोरुहरूले विमान- विरोधी बन्दुक तानिरहेको पनि देखिएको छ।
सैन्य इतिहासकार हाल क्लेपाचले सीएनएनसँग भनेका छन्, ‘आधुनिक हतियारको अभाव भए पनि क्युबाली सेनाले लामो समयसम्म अमेरिकाको आक्रमणको सामना गर्न सक्छ।’
उनका अनुसार क्युबाले प्राकृतिक प्रकोपको समयमा पनि ठुलो मात्रामा मानिसहरूलाई परिचालन गर्ने क्षमता प्रदर्शन गरेको छ।
‼️Concluyeron con éxito los Ejercicios de tiro de las unidades de Defensa Antiaérea del Ejército.
— Ejército Occidental 🇨🇺 (@EjtoOccidental) May 16, 2026
Cada maniobra, cada ejercicio, fue una demostración de la cohesión combativa que caracteriza a nuestras tropas.
¡AQUÍ NO SE RINDE NADIE! #FARCuba #LaPatriaSeDefiende pic.twitter.com/e08WdS9M0n
यसै हप्ता क्युबा पुगेका थिए अमेरिकी गुप्तचर प्रमुख
सीआईए प्रमुख जोन रेटक्लिफ यसै हप्ता क्युबाको राजधानी हवाना पुगेका थिए।
‘संयुक्त राज्य अमेरिका’ लेखिएको विमानमा उनी क्युबा पुग्दा धेरैको ध्यान तानिएको थियो।
धेरै जना क्युबालीले यसलाई एउटा ठुलो राजनीतिक संकेत मानेका छन्।
क्युबा सरकारले लामो समयदेखि सीआईएलाई शत्रु मानिरहेको छ।
सन् १९६० को दशकमा सीआईएले फिडेल क्यास्ट्रोको हत्याको योजना बनाएको थियो। क्युबामा सीआईए गतिविधिसँग सम्बन्धित संग्रहालय पनि छन्।
क्युबा विज्ञ पिटर कोर्नब्लुहले सीएनएनसँग भनेका छन्, ‘यो इतिहासको ठुलो विडम्बना हो।’
उनका अनुसार ‘रेटक्लिफ क्युबामा एउटा यस्तो प्रस्ताव लिएर आएका थिए, जुन अस्वीकार गर्न गाह्रो थियो।’
पिटर कोर्नब्लुहले यसलाई दबाब कूटनीतिका रूपमा लिएका छन्।
प्रतिक्रिया