कीर्तिपुरको होल्डिङ सेन्टरमा भएको घटनाविरुद्ध विराटनगरमा धर्ना बस्न खोज्दा २६ युवा पक्राउ

काठमाडौँको कीर्तिपुरस्थित होल्डिङ सेन्टरमा सुकुमवासीलाई सघाउन भनी पुगेका जेनजी युवालाई प्रहरीले धरपकड गरेको विरोधमा मोरङ जिल्ला प्रहरी कार्यालय अगाडि प्रदर्शन गर्न खोज्ने २६ जनालाई प्रहरीले नियन्त्रणमा लिएको छ।

शुक्रबार रातिको वर्षाले कीर्तिपुरको होल्डिङ सेन्टर डुबानमा पर्दा त्यहाँ राखिएका सुकुमवासको बिचल्ली भएपछि सहयोग गर्न भनेर शनिबार त्यहाँ पुगेका तीन जना जेनजी युवालाई प्रहरीले पक्राउ गरेको थियो। त्यस क्रममा प्रहरीले कुटपिट गर्दा जेनजी अभियन्ता माजिद अन्सारी घाइते भएका छन्। नहेन्द्र खड्का र सरिश्मा थापालाई भने रिहा गरिएको छ।

प्रहरीको कुटपिटबाट माजिद अन्सारीको टाउको र अनुहारमा चोट

त्यस घटनाको विरोधमा शनिबार राति साढे ९ बजे जिल्ला प्रहरी कार्यालय मोरङको मूलगेटअगाडि धर्ना बस्न खोजेका २६ युवालाई प्रहरीले पक्राउ गरेको हो।

जिल्ला प्रहरी कार्यालय माेरङका एसपी कवित कटुवालले रातिको समयमा सडकमै धर्नामा बसेका प्रदर्शनकारीहरूलाई पटकपटक सम्झाईबुझाई गर्दा पनि अटेर गर्दै प्रहरीका कामकारबाहीमै अवरोध पुर्‍याउनाका साथै सवारीसाधन आउजाउ नै ठप्प पारेपछि नियन्त्रणमा लिइएको दाबी गरे।

उनीहरू सबैलाई हिरासतमा राखेर थप अनुसन्धान प्रक्रिया अघि बढाइएको प्रहरीले जनाएको छ।

नियन्त्रणमा लिइएका व्यक्तिहरूको विवरण:

१) अमरेश माली (वर्ष १७) – राजविराज, सप्तरी

२) कृष्ण यादव (वर्ष २२) – राजविराज, सप्तरी

३) मो. दिल (वर्ष २१) – विराटनगर–४, मोरङ

४) मो. अकबर (वर्ष २८) – देवानगञ्ज–२, सुनसरी

५) रोहित सहनी (वर्ष २०) – विराटनगर–६, मोरङ

६) मोहम्मद अफरोज (वर्ष २०) – विराटनगर–१०, मोरङ

७) अंकित राजवंशी (वर्ष १८) – विराटनगर–२, मोरङ

८) आसिफ उमर (वर्ष १८) – विराटनगर–६, मोरङ

९) चाँद चाहिद (वर्ष २९) – विराटनगर–६, मोरङ

१०) अफताव सेख (वर्ष १८) – विराटनगर–६, मोरङ