रिस जायज भए पनि अब संयमित हुनुपर्छ: संजोग कोइराला

अभिनेता संजोग कोइरालाले प्रदर्शनकारीलाई संयमित हुन आग्रह गरेका छन्। सामाजिक सञ्जाल फेसबुकबाट उनले रिस जायज भए पनि अघिल्लो पुस्ताभन्दा फरक छौँ भनेर प्रमाणीत गर्न पनि संयमित हुन भनेका हुन्। 

यस्तो छ उनको भनाइ 
तपाईंहरूको रिस जायज छ। हामी कसैको रिस अझै मरेको छैन। हो, उनीहरूले हामीलाई अन्याय गर्दा दयामाया देखाएनन्। तर उनीहरू र हामीमा फरक छ। अहिले कसैलाई कुटपिट गर्नु, हाम्रै देशभित्रका भवनमा आगलागी गर्नु, हामीले आफ्नै खुट्टामा बन्चरो हान्नु हुन्छ । यो रिसलाई अब देश बनाउने हुटहुटीमा बदल्नुपर्छ। हामी अघिल्लो पुस्ताभन्दा फरक छौं भनेर प्रमाणीत गर्ने, योभन्दा सही समय अरू हुँदैन। बिन्ती संयमित भईदिनू। सिङ्गै पुस्ताको इज्जत दाउमा छ। बिन्ती।