अस्ट्रेलियामा हेलिकप्टरबाट झारेको खानेकुरा खाँदैछन् आगलागी पीडित जीवजन्तु

आगलागीले अनगिन्ती जनावरहरु मरेका छन्। सिड्नी विश्वविद्यालयको अध्ययनमा आगलागीले करोडौं जनावरको ज्यान गएको अनुमान गरिएको छ। केही जनावर लोप हुने अवस्थामा पुगेका छन्।

जंगल, झाडी, घाँसे मैदान आगो लागेर कालै देखिएका छन्। जनावरले खाना खान पाइरहेका छैनन्।

यसबीचमा जनावरले खाना खान पाउनु भनेर न्यु साउथ वेल्स राज्यमा हजारौं केजी खानेकुरा हेलिकप्टरबाट खसाइएको छ।

न्यु साउथ वेल्सका उर्जा तथा वातावरणमन्त्री म्याट केनका अनुसार उक्त राज्यमा गाजर, सुठुनीजस्ता खानेकुरा जनावरको लागि हेलिकप्टरबाट खसाइएको हो।