आज कति छ काठमाडौँको सुरुवाती न्यूनतम तापक्रम?

आज (सोमबार), काठमाडौँ उपत्यकाको सुरुवाती न्यूनतम तापक्रम मापन गरिएको छ।

मौसम पूर्वानुमान महाशाखाले नेपालखबरलाई दिएको जानकारीअनुसार आज बिहान ५:४५ बजे काठमाडौँको न्यूनतम तापक्रम ९.० डिग्री सेल्सियस छ।

हिजो (आइतबार) यो समय काठमाडौँको न्यूनतम तापक्रम ९.१ डिग्री सेल्सियस थियो भने अन्तिम मापनका बेला बिहान ८:४५ बजे पनि सोही कायम भएको थियो। 

आजको पनि वास्तविक न्यूनतम तापक्रम अहिले त्यही बेला (बिहान ८:४५ बजे) आउँछ। त्यतिबेला न्यूनतम तापक्रम थप घट्ने सम्भावना हुन्छ।

अस्ति (शनिबार) काठमाडौँको न्यूनतम तापक्रम ७.५ डिग्री सेल्सियस थियो भने शुक्रबार १२ डिग्री सेल्सियस थियो।

मौसमविद्का अनुसार मौसम बदली भई राति आकाशमा बादल लागेका बेला बिहान न्यूनतम तापक्रम बढ्छ भने रातभर आकाश सफा रहँदा  घट्छ। 

फेरि अधिकतम तापक्रमचाहिँ यसको ठिक उल्टो दिउँसो दिनभर बादल लाग्यो भने घट्छ, आकाश सफा हुँदा घाम लाग्ने भएकाले बढ्छ।

यद्यपि हिउँद याम सकिन लागेकाले समग्रमा तापक्रम बढ्दो क्रममै रहेको मौसमविद् बताउँछन्। 

मौसम महाशाखाले हरेक दिन काठमाडौँसहित देशका विभिन्न स्थानको न्यूनतम र अधिकतम तापक्रम मापन गर्ने गर्छ।

सबैभन्दा तल झरेको तापक्रम न्यूनतम तापक्रम हो भने सबैभन्दा माथि चढेको तापक्रम अधिकतम तापक्रम हो।

न्यूनतम तापक्रम बिहान ८:४५ बजे र अधिकतम तापक्रम साँझ ५:४५ बजे मापन गरिन्छ।

मौसमविद्का अनुसार न्यूनतम तापक्रमले रातिदेखि बिहानसम्मको अवस्था जनाउँछ भने अधिकतम तापक्रमले दिनभरको अवस्था बताउँछ।

आइतबार यस्तो थियो तापक्रम सूची

 

हिउँद यही फेब्रुअरीसम्म, त्यसपछि? 

मौसमविद्का अनुसार नेपालको मौसमलाई जम्मा ४ भागमा वर्गीकरण गरिएको छ: प्रि-मनसुन, मनसुन, पोस्ट-मनसुन र विन्टर।

अहिले देशमा विन्टर अर्थात् हिउँद याम छ। डिसेम्बरदेखि जारी विन्टरको अवधि यही फेब्रुअरी महिनासम्म हो।

यसपछि मार्चदेखि प्रि-मनसुन लाग्छ। यो पनि ३ महिना- मार्च, अप्रिल र मेसम्म रहन्छ। 

यसपछि जुन महिनादेखि मनसुन लाग्छ। यो सिजन ४ महिना- जुन, जुलाई, अगस्ट र सेप्टेम्बरसम्म रहन्छ।

मनसुन सकिएपछि पोस्ट-मनसुन सुरु हुन्छ। यो सिजन २ महिना- अक्टोबर र नोभेम्बरसम्म रहन्छ।

अनि डिसेम्बरदेखि फेरि विन्टर अर्थात् जाडो याम लाग्छ।