चीन सरकारको सहयोगमा रसुवामा आवासीय विद्यालय निर्माण

मित्रराष्ट्र चीन सरकारको सहयोगमा रसुवाको कालिकास्थान–५ स्थित जिबजिबेमा नीलकण्ठ नमुना आवासीय माध्यमिक विद्यालय भवन निर्माणको काम ६५ प्रतिशत पूरा भएको छ। 
     
चिनियाँ प्राविधिक तथा कामकादारको प्रत्यक्ष संलग्नतामा तीव्र गतिमा निर्माण भइरहेको सुविधासम्पन्न एवं भूकम्प प्रतिरोधी सो भवनको शिलान्यास २०८१ साल कात्तिकमा भएको थियो।    
 
विद्यालयका प्रधानाध्यापक नारायणप्रसाद देवकोटाका अनुसार भवन निर्माणका लागि केही सामग्री चीनतर्फबाट झिकाइएको र गिटी–बालुवालगायतका सामग्री स्थानीय खोलानदीबाट ल्याएको, भवन निर्माण प्रक्रियामा केही स्थानीयबाहेक चिनियाँ पक्ष नै खटेको, अहिले पिलार तथा ढलानको काम सम्पन भएको तथा प्लाष्टरलगायतका काम भइरहेको र आगामी कात्तिक महिनभित्र भवन हस्तान्तरण गर्ने तयारीसहित निर्माणकार्य तीव्रगतिमा अघि बढिरहेको छ।
 
निवनिर्मित विद्यालय भवनमा सानाठूला गरी ६० वटा कक्षाकोठा रहेको र  घरबाट हिँडेर विद्यालय आउन नभ्याउने विद्यार्थीलाई लक्षित गरी करिब १५० क्षमताको आवासीय भवन निर्माण भइरहेको प्रधानाध्यापक देवकोटाले जानकारी दिए।