युनिकोड
काठमाडौँ उपत्यकाकौ मौसम आज (बुधबार) बिहानैदेखि धुम्म भएको छ। अर्थात् आकाशभरि बादल लागेको छ।
मौसम पूर्वानुमान महाशाखाका मौसमविद् मीनकुमार अर्यालका अनुसार गण्डकी र बागमती प्रदेशको बिचमा पानी पार्ने प्रणाली विकास भएकाले काठमाडौँ उपत्यकाको मौसम पनि बदली भएको हो।
‘काठमाडौँ उपत्यकामा तत्कालदेखि नै वर्षाको सम्भावना देखिएको छ’, उनले नेपालखबरसँग भने, ‘मध्यमसम्म वर्षा हुने अनुमान छ।
उनका अनुसार दिउँसो १२/१ बजे उतादेखि भने काठमाडौँ उपत्यकाको मौसम केही खुल्ने सम्भावना छ।
‘विकसित मौसम प्रणाली पूर्व लागेपछि काठमाडौँ उपत्यकाको मौसम पनि केही खुल्ने सम्भावना छ’, मौसमविद् अर्यालले भने, ‘त्यसो भनेर पूरै छ्याङ त हुने होइन अहिलेभन्दा केही खुल्ने र घाम देखिने सम्भावना छ।’
देशभरको मौसमबारे भने मौसम महाशाखाले अहिले बिहान ८ बजेपछि बुलेटिन जारी गर्नेछ।
प्रतिक्रिया