युनिकोड
विभिन्न जिल्लामा चारजना मृत अवस्थामा फेला परेका छन्।
पर्सा, मोरङ, प्यूठान र बारामा चार जनाको शव भेटिएको प्रहरीले जनाएको छ।
पर्साको वीरगन्ज महानगरपालिका-१६ बस्ने ३५ वर्षीया सुनिता ठाकुर आफ्नै घरमा मृत अवस्थामा फेला परेकी छिन्।
उनको मृत्युका सम्बन्धमा अनुसन्धान जारी रहेको प्रहरीले जनाएको छ।
त्यसैगरी मोरङको रतुवामाई नगरपालिका-५ मल्दैया टोलस्थित बक्रा खोला किनारमा पनि एक महिला मृत भेटिएकी छन्।
हाल नाम, थर र वतन नखुलेकी अन्दाजी ५५ वर्षीया महिला मृत भेटिएकी हुन्।
त्यसैगरी प्युठानको नौबहिनी गाउँपालिका-१ खालीबाङ बस्ने ३४ वर्षीय तुला सिंह शेरचन पनि मृत भेटिएका छन्।
उनी आफ्नै घर नजिक बुधबार मृत अवस्थामा फेला परेका प्रहरीले जनाएको छ।
त्यसैगरी बाराको सिम्रौनगढ नगरपालिका-९ झरौखर पोखरी नजिक एक युवक मृत भेटिएका छन्।
सडक छेउमा मृत भेटिएका अन्दाजी २८ वर्षीय युवकको हाल नाम, थर र वतन नखुलेको प्रहरीले जनाएको छ।
यी सबै घटनाका सम्बन्धमा थप अनुसन्धान जारी रहेको प्रहरीको भनाई छ।
प्रतिक्रिया