युनिकोड
ए डिभिजन लिग फुटबल प्रतियोगिता ४ दिन पर सरेको छ।
कात्तिक २९ गतेका लागि तय गरिएको लिगको अखिल नेपाल फुटबल संघ (एन्फा) ले मिति ४ दिन पर सारेको हो।
यस सिजनको लिग मंसिर ३ गतेदेखि सुरु हुने एन्फाले जनाएको छ। अब लिगका खेलहरु शुक्रबार, शनिबार र आइतबार मात्र खेलाइनेछ।
‘क्लबहरूसँगको सल्लाहमा साताको अन्तिम तीन दिन लिगका खेल गर्ने भएपछि मिति केही दिन सरेको हो', एन्फा महासचिव इन्द्रमान तुलाधरले भने, 'अब लिगको सबै खेल शुक्रबार, शनिबार र आइतबार मात्रै हुनेछ।’
एन्फाका अनुसार उद्घाटन खेलमा सातदोबाटो युथ र फ्रेन्ड्स क्लब खेल्नेछन्। एन्फाले बिहीबार मात्रै लिगको प्रत्यक्ष प्रशारणका लागि सम्झौता गरेको छ।
प्रतिक्रिया