युनिकोड
घरेलु टोली इङल्याण्डले वेष्ट इण्डिजसँगको ३ खेलको टेष्ट सिरिजमा १–१ को बराबरी गरेको छ। पाँचौँ तथा अन्तिम दिन सोमबार राति भएको खेलमा इङल्याण्ड १ सय १३ रनले विजयी भयो।
३ सय १२ रनको लक्ष्य पछ्याएको पाहुना टोली वेष्ट इण्डिज ७० दशमलव १ ओरभमा १ सय ९८ रनमा अलआउट भयो।
शम्राह ब्रुक्सले जोडेको ६२ रन नै वेस्ट इन्डिजका लागि सर्वाधिक रह्यो। उनले ४ चौका र २ छक्का प्रहार गरे। जर्मेन ब्ल्याकवुडले ५५ रन बनाए। इंग्ल्यान्डका स्टुअर्ट ब्रोडले ३ तथा वेन स्टोक, डोम बेस र त्रिलस वोक्सले समान २ विकेट झारे। साम करनले १ विकेट आफ्नो नाममा लेखाए।
त्यसअघि पाँचौँ दिन नै दोस्रो इनिङमा इंग्ल्यान्डले १९ ओभरमा १ सय २९ रन जोड्न ३ विकेट गुमाउँदै इनिङस् समाप्तीको घोषणा गरेको थियो। पहिलो इनिङस्मा उत्कृष्ट शतक प्रहार गरेका वेन स्टोक्सले दोस्रो इनिङमा ४ चौका र ३ छक्कासहित ७८ रनमा नटआउट रहे।
दोस्रो इनिङस्मा ओपनिङ ब्याट्सम्यानको रुपमा क्रिजमा आएका स्टोक ‘प्लेयर अफ द म्याच’ समेत बने। जो रुट २२ रनमा आउट हुँदा ज्याक क्रली ११ र जस बटलर शून्य रनमा पवेलियन फर्के। ओली पोप १२ रनमा नटआउट रहे। वेष्ट इण्डिजका केमार रोचले २ विकेट लिए।
पहिलो टेष्ट सिरिज पाहुना टोलीले ४ विकेटले जितेको थियो। तेस्रो तथा अन्तिम खेल जुलाई २४ देखि २८ सम्म हुनेछ।
प्रतिक्रिया