भारतका ३७ राज्यसभा सिटका लागि चुनावको मिति घोषणा

भारतको निर्वाचन आयोगले ३७ राज्यसभा सिटका लागि चुनावको मिति घोषणा गरेको छ।

आयोगका अनुसार मतदान आगामी मार्च १६ बिहान ९ बजेदेखि अपराह्न ४ बजेसम्म हुनेछ।

मत गणना पनि सोही दिन साँझ ५ बजे सुरु हुने बताइएको छ। 

महाराष्ट्र, ओडिसा, तमिलनाडु, पश्चिम बंगाल, आसाम, बिहार, छत्तीसगढ, हरियाणा, हिमाचल प्रदेश र तेलंगाना राज्यमा गरी ३७ सांसदको कार्यकाल आगामी अप्रिलमा समाप्त हुँदै छ। 

सबैभन्दा धेरै महाराष्ट्र राज्यमा ७ सिट रिक्त हुँदै छन्।

यसपछि बढी तमिलनाडुमा ६ र पश्चिम बंगाल र बिहारमा ५/५ सिट खाली हुनेवाला छन्।