कञ्चनपुरका पत्रकारद्धय ऐश्वर्या कुँवर र पुष्कर भट्टलाई प्रहरीले नियन्त्रणा लिएकोमा पत्रकार महासंघ कञ्चनपुरले विरोध जनाएको छ।
पत्रकारद्धयलाई विद्युतिय कारोबार कसुर अन्तर्गत मुद्दा चलाएर पक्राउ गरिएकोमा प्रेस विज्ञप्ति जारी गर्दै महासंघले गम्भिर ध्यानाकर्षण भएको जनाएको छ।
एउटा प्रयोजनका लागि आएको कानूनको अर्कै प्रयोजनमा प्रयोग गरी पत्रकारलाई पक्राउ गरिएको नेपाल पत्रकार महासंघ जिल्ला शाखा कञ्चनपुरका सचिव राजेन्द्र प्रसाद अवस्थीद्धारा हस्ताक्षरित विज्ञप्तिमा उल्लेख छ।
कञ्चनपुरमा इन्सपेक्टर–जवानको त्यो विवाद, जसमा लपेटिए दुई पत्रकार
पत्रकारद्धयको तुरुन्त रिहाईका लागि समेत महासंघले आग्रह गरेको छ। माग सम्बोधन नगरिएमा महासंघ चरणबद्ध आन्दोलनमा जाने चेतना समेत विज्ञप्तिमार्फत दिइएको छ।
यस्तै पत्रकार सम्बद्ध अन्य संघ संगठनले पनि पत्रकार पक्राउ विषयमा विरोध जनाएका छन्। नेपाल प्रेस युनियन, प्रेस चौतारी र प्रेस सेन्टर कञ्चनपुरले संयुक्त विज्ञप्ति जारी गर्दै पत्रकारको रिहाइको माग गरेका छन्।
कञ्चनपुर प्रहरीको कार्यशैलीलाई लिएर निरन्तर समाचार प्रकाशन तथा सम्प्रेषण भइरहेको अवस्थामा प्रतिशोधपूर्ण तरिकाले पत्रकारलाई पक्राउ गरिएको उनीहरूको ठहर छ।
Shares
प्रतिक्रिया