युनिकोड
कैलालीको लम्कीस्थित जुत्ताचप्पलको गोदाममा आगलागी भएको छ। आगलागीबाट रु ७० लाखभन्दा बढीको क्षति भएको छ।
प्रहरीका अनुसार आज बिहान २:४० बजेतिर लम्कीचुहा नगरपालिका-१ लम्कीस्थित टीकापुर रोडमा रहेको कल्पना ट्रेडर्स एन्ड सप्लायर्समा एक्कासि आगलागी भएको हो।
आगलागी भएलगत्तै लम्कीचुहा नगरपालिकाको दमकल, प्रहरी र स्थानीयको सहयोगमा आगो नियन्त्रणमा लिएको इलाका प्रहरी कार्यालय लम्कीका प्रमुख प्रहरी निरीक्षक लोकेन्द्रबहादुर सिंहले बताए।
लम्की निवासी कल्पना जैशीको गोदाममा चप्पल र जुत्ता थिए।
आगलागीबाट गोदाममा रहेका सम्पूर्ण सामान जलेर नष्ट भए पनि मानवीय क्षति भने नभएको प्रहरीले जनाएको छ।
गोदाममा कोही बस्ने नभएकाले आगलागी कसरी भएको हो भन्नेबारे अनुसन्धान भइरहेको प्रहरीले जनाएको छ। रासस
प्रतिक्रिया