खाना अड्केर बेहोस आइतरामको मृत्यु

चितवनमा खाना खाने क्रममा अड्किएर एक जनाको मृत्यु भएको छ।

प्रहरीका अनुसार खाना अड्किँदा कालिका नगरपालिका-६ शान्तिटोलका ६८ वर्षीय आइतराम कुमालको मृत्यु भएको हो। 

कुमाल आफ्नै घरमा मंगलबार साँझको खाना खाने क्रममा अड्किएर बेहोस भएका थिए।

उपचारका लागि भरतपुर अस्पताल ल्याउने क्रममा राति पौने ९ बजे उनको मृत्यु भएको जिल्ला प्रहरी कार्यालय चितवनले जनाएको छ।