युनिकोड
नेपाली कथानक चलचित्र ‘प्रेमगन्ज’ भारतमा पनि प्रदर्शन हुने भएको छ। भारतमा प्रदर्शन हुने ‘प्रेमगन्ज’मा अंग्रेजी सबटाइटल राखेर नेपाली भाषामा प्रदर्शन गरिने छ।
यो चलचित्रलाई भारतमा ड्रिम्स थिएटर मोसन पिक्चरका सञ्चालक म्याबो ह्यङ्गले अल इन्डिया वितरण गर्न लागेका हुन्। ‘प्रेमगन्ज’ कोलकत्ता, देहरादुन, आसाम, गुवाहटी लगायत सहरमा प्रर्दशन हुने छ।
यो चलचित्रमा बेनिशा हमाल र तेज गिरीले शीर्ष भूमिकामा रहेर अभिनय गरेका छन्। तेज यहि चलचित्र मार्फत शिर्ष अभिनेताका रुपमा चलचित्रमा देखिन लागेका हुन्।
परिच्छेद सेनले निर्देशन गरेको यो चलचित्र चलचित्र चौतारीको ब्यानरमा निर्माण भएको हो।
सञ्जय लामाले छायांकन गरेको फिल्मका निर्माता राजु फुयाँल हुन्।
प्रेम कथालाई केन्द्रमा राखेर निर्माण गरिएको ‘प्रेमगन्ज’मा रश्मि भट्ट, पवन भट्टराई, सन्जोग रसाइली, सुप्रिया खनाल, राइडर प्रशान्त, सिमरन खड्का, आयुषी ढकाल लगायतका कलाकारले अभिनय गरेका छन्।
यो चलचित्र आगामी भदौ ३ बाट प्रदर्शनको तयारीमा रहेको छ।
प्रतिक्रिया