‘अभिमन्यु : च्याप्टर–१’ को ‘मरौँ ज्यानले’ गीतमा प्रेम बीचमै टुट्दाको छटपटी

फिल्म ‘अभिमन्यु : च्याप्टर–१’को नयाँ गीत ‘मरौँ ज्यानले’ सार्वजनिक भएको छ। मंसिर १८ गते रिलिज हुने फिल्मको नयाँ गीत निर्माणपक्षले आज सार्वजनिक गरेको हो।

सुरेश बादलको शब्द रहेको गीतमा सुशान्त गौतमको स्वर तथा संगीत रहेको  छ। सँगै जिउने कसम खाएको प्रेम बीचमै टुट्दाको छटपटी गीतमा छ। प्रेमिकाको सम्झनामा जीवन समाप्त गर्न पनि नसकेको र चयनले बाँच्न पनि नसकेको थिममा गीत तयार भएको छ ।

गीतको भिडिओमा मुख्य कलाकार दुई पात्र कामेश्वर चौरसिया र लक्ष्मी बर्देवा छन् । चलचित्रका फुटेज समावेश गरिएको भिडियोमा तराई–मधेश देख्न सकिन्छ ।

यस फिल्ममा कामेश्वर र लक्ष्मीसहित सरिता गिरी, किरण श्रेष्ठ, गौमाया गुरुङ, प्रकाश दाहाल र शिशिर वाङ्देल मुख्य भूमिकामा छन् ।