युनिकोड
रणवीर सिंह अभिनित बलिउड फिल्म ‘धुरन्धर २’ को ट्रेलर सार्वजनिक भएको छ। सार्वजनिक ट्रेलर एउटा संवादबाट सुरु हुन्छ जसमा भनिएको छ: हिन्दूहरू धेरै कायर समुदाय हुन्।
एउटा चुनौतीपूर्ण आवाजले जवाफ दिन्छ। त्यसपछि कथा यस्तो अवस्थामा अघि बढ्छ, जहाँ अक्षय खन्नाको पात्र डाँका रहमानको मृत्युपछि सडकमा अराजकता मच्चिन्छ। गोलीबारी र रकेट लन्चर विस्फोटको बीचमा,ट्रेलरले प्रश्न उठाउँछ: रहमानको मृत्युपछि लाहोरको नयाँ राजा को बन्नेछ?
ट्रेलरमा रणवीर सिंह जसकिरत सिंह रंगीको भूमिकामा देखिएका छन्। यस पटक उनी दोहोरोमा भूमिकामा देखिएका छन्: जसकिरत र हमजा।
फिल्ममा आर. माधवनले अजय सन्याल, अर्जुन रामपालले आईएसआई मेजर इकबाल र संजय दत्तले प्रहरी सुपरिटेन्डेन्ट (एसपी) चौधरी असलमको भूमिका निर्वाह गरेका छन्।
आदित्य धरको लेखन र निर्देशन रहेको यो फिल्म मार्च १९ मा विश्वव्यापी प्रदर्शन हुँदैछ। यो फिल्म हिन्दी, तमिल, तेलुगु, मलयालम र कन्नड भाषामा रिलिज हुनेछ।
यस फिल्ममा रणवीर एक गुप्तचर एजेन्टको भूमिकामा देखिएका छन्। रणवीरसहित संजय दत्त, अक्षय खन्ना, अर्जुन रामपाल, आर माधवन, सारा अर्जुनलगायत कलाकारको अभिनय छ।
यसअघि गत ५ डिसेम्बरमा रिलिज भएको ‘धुरन्धर’ले बक्सअफिसमा ठूलो सफलता हात पारेको थियो। भारतभर एक हजार करोड भारतीय रुपैयाँभन्दा बढी कमाउँदै धेरै कमाउने हिन्दी फिल्मको रेकर्ड बनाएको थियो। नेपालमा पनि यस फिल्मले १० करोडको आँकडा पार गरेको थियो।
प्रतिक्रिया